Frumflutningur á Íslandi ef ekki í heiminum á splunkunýju lagi frá Ronan Keating en hann kemur til með að gera allt vitlaust þegar hann kemur fram á sunnudagskvöldinu á Þjóðhátíð í Eyjum þetta árið og á eflaust eftir að bræða hjarta Þjóðhátíðargesta.

Ronan Keating 35 ára gamall er söngvari sem kemur frá Írlandi. Hann byrjaði feril sinn sem söngvari hljómsveitarinnar Boyzone árið 1994 og áttu þeir nokkur ansi vinsæl lög sem komust hátt á topplistunum.

Ronan hóf svo sólóferil sinn árið 1999 og hefur hann gefið út 9 hljómplötur síðan þá en ný plata er væntanleg með kappanum þann 3. september en hún heitir líkt og lagið sem hér um ræðir,  Fires og bíða aðdáendur kappans eflaust spenntir eftir útkomu plötunnar en þetta er fyrsta platan hans síðan árið 2006.