Becky Gomez kemur frá fátækri fjölskyldu og átti erfitt uppdráttar í æsku. Hún var aðeins níu ára gömul þegar hún ákvað að fara í prufur fyrir auglýsingar til þess að reyna að bæta kjör fjölskyldu sinnar eftir að hún missti húsið sitt, og hún gerði loks samning við Disney Channel og Nickelodeon um leik í auglýsingum.

Tónlistarferill Becky hófst þegar hún var aðeins ellefu ára gömul en þá hóf hún að semja sín eigin lög og þrettán ára gömul ákvað hún að læra á gítar en hálfu ári seinna var hún farin að taka upp sín eigin lög í GarageBand.

Becky varð fimmtán ára á árinu og þróaðist söngferill hennar ört en fyrr á þessu ári var hún fyrsti tónlistarmaðurinn til að skrifa undir samning við útgáfufyrirtækið Kemosabe Records þar sem Dr Luke er við stjórnvölin en hann hefur unnið með tónlistarmönnum á borð við Katy Perry, Ke$ha, Kelly Clarkson og Britney Spears en Kemosabe er í eigu Sony fyrirtækisins.
Frumraun Becky voru cover af hinu geysivinsæla lagi Lighters með Eminem og Bruno Mars og Take Care sem þauDrake og Rihanna gerðu svo frægt.

Hér Becky mætt með sitt fyrsta lag undir merkjum VEVO en það er samstarfsverkefni meðal stærstu útgáfufyrirtækja í heiminum. Það er enginn annar en söngvari hljómsveitarinnar The Black Eyed Peas, will.i.am.  sem er með Becky í laginu en það ber nafnið Problem og er það er titillag myndarinnar Hotel Transylvania en hún verður frumsýnd þann 2. nóvember á Íslandi.

„Það sem ég er að gera með þessu er að ég er að setja líf mitt niður á blað, og ég er viss um að það eru fleiri stelpur og strákar sem eru að fara í gegnum svipaða hluti. Ef ég sem lag um ástandið og segji að ‘Allt verði í lagi’ þá held ég að þau munu skilja mig. Ég vil vera til staðar fyrir fólkið með tónlistinni minni hvort sem ég hitti þau í persónu eða ekki.“