Óli Geir með nýtt lag ásamt Friðriki Dór, “Sumar Sem Leið”
Athafnamaðurinn og plötusnúðurinn Óli Geir er einna hvað þekktastur fyrir að halda hina ýmsu viðburði undir merkjum Agent.is, en upp á síðkastið hefur hann einnig verið að einbeita sér að búa til sína eigin tónlist og gaf hann meðal annars út sitt fyrsta lag, Flocka á síðasta ári og fékk það fínar móttökur.
Fyrsta lagið sem við fáum að heyra frá honum í ár nefnist Sumar Sem Leið og er það Friðrik Dór sem syngur í laginu sem frumflutt var í dag en strákarnir í StopWaitGo sáu um eftirvinnslu lagsins og voru það þeir Birgir Ólafur og Brynjar Birgisson sem framleiddu myndbandið.
Óli er á fullu að sjá um einkaþjálfun og fleira hjá Bfit þessa dagana en hann lofaði okkur jafnframt því að það kæmu út þrjú lög til viðbótar fyrir sumarið og þar á meðal er lag með spéfuglinum Love Guru.